Құрметті Жетісай ауданының ұстаздары!
Сіздерді ұлағатты ұстаз еңбегін ұлықтайтын кәсіби мерекелеріңізбен шын жүректен құттықтаймын!
Ұстаздық – жай ғана мамандық емес, ұрпақ алдындағы үлкен жауапкершілік пен жүрек қалауынан туындайтын қасиетті жол. Балаға білім беріп қана қоймай, оның бойына адамгершілік, отансүйгіштік, еңбекқорлық пен ізгілік қасиеттерін сіңіру – әр ұстаздың абыройлы міндеті.
Бүгінде Жетісай ауданындағы білім саласында аянбай еңбек етіп жүрген ұстаздардың әрқайсысының еңбегі ел болашағымен тығыз байланысты. Сіздердің ізденістеріңіз бен кәсіби шеберліктеріңіз, шәкірт тәрбиесіне деген адалдықтарыңыз – ауданымыздың білім беру саласының дамуына қосылған қомақты үлес.
Әрбір биікті бағындырған шәкірттің артында оған бағыт-бағдар берген ұстазы бар. Шәкіртінің жетістігін өз жетістігіндей қабылдап, оның қуанышына ортақтасатын да – ұстаз. Сондықтан ұстаз еңбегінің өлшемі тек баға мен көрсеткіш емес, оның тәрбиесін көрген, білімін алған шәкірттерінің азамат болып қалыптасуы.
Қадірлі ұстаздар!
Сіздерге мықты денсаулық, отбасыларыңызға амандық, шығармашылық ізденіс пен кәсіби табыс тілеймін. Еңбектеріңіз еленіп, абыройларыңыз асқақтай берсін. Шәкірттеріңіздің әрбір жетістігі сіздерге қуаныш сыйлап, білім жолындағы еңбектеріңіз әрдайым жемісті болсын!
Жетісай ауданының білімді де тәрбиелі ұрпағын қалыптастыру жолындағы қажырлы еңбектеріңіз үшін алғысымды білдіремін.
Ұстаз мәртебесі биіктеп, абыройларыңыз арта берсін!
Баянова Жанат Айтуғанқызы,
С.Сейфуллин атындағы №29 жалпы білім беретін мектептің директоры,
Жетісай ауданы, Жылы су ауылдық округі, Сейфуллин ауылы.