Наурыз мерекесі бүгін Қоссейіт ауылында жалғасын тапты. Аудан әкімінің бекіткен іс-шарасының негізінде «Табиғат күні» деп аталатын бұл мерекеде салт-дәстүрлер көрмесі қойылып, тал егілді.
«Салт-дәстүрім – сарқылмайтын қазынам» тақырыбымен ұйымдастырылған көрмеде ұлттық тағамдар, халқымыздың тұрмыс-тіршілігінде қолданылатын ұлттық бұйымдар, ою-өрнектер көрсетілді. Сондай-ақ, ауыл тұрғындары Мәдениет үйінде ұйымдастырылған концертті тамашалады. Мерекеде «Ақ жұлдыз» би тобы, «Серілер» тобы, әншілер өз өнерлерін ортаға салды.
Тал көшеттерін егу жұмысы қала аумағында да жүргізілді. Қаладағы «Өтеғұл» мөлтекауылында бірқатар мекеме мен ұйым қызметкерлері, ауыл жастары бірлесе қимылдап, саябақ ішіне түрлі тал көшеттерін отырғызды.
(с) Шардара ауданы әкімінің баспасөз қызметі
ШАРДАРА: НАУРЫЗ МЕРЕКЕСІ ЖАЛҒАСУДА