АУДАНЫМЫЗДА ЖОЛ БЕЛГІЛЕРІ МЕН ЖАСАНДЫ ЖОЛ КЕДЕРГІЛЕРІ ҚОЙЫЛУДА

Жетісай ауданының әкімі Серік Үсенұлы Мамытовтың тапсырмасына сәйкес Жетісай қаласы, Асықата кенті мен ауылдық округтердің  тұрғындары мен мектеп оқушыларының жолда жүру қауіпсіздігін қамтамасыз ету мақсатында облыстық, аудандық маңызы бар автомобиль жолдарын күтіп ұстауға бюджеттерден қажетті қаржылар бөлінген.

         Сол белгіленген жоспарға сәйкес мемлекеттік сатып алу рәсімдері ұйымдастырылып, бүгінде жеңімпаз мердігер мекемелермен бекітілген жүйелік кесте бойынша тиісті жұмыстар жүргізілуде.

         Егер де нақтырақ айтатын болсақ, жол қауіпсіздігін қамтамасыз ету мақсатында облыстық маңызы бар КХ-75, КХ-117, КХ-27, КХ-86, КХ-96 автомобиль жолдары бойындағы білім беру ұйымдарының, яғни, мектептерге өтетін жол бойларына 23 жерге стандартқа сай жаяу жүргінші өткелдерін таңбалау жұмыстары жүргізілді.

          Бұлардан бөлек, аудан көлемінде бюджет есебінен бөлінген қаражаттарға облыстық, аудандық  маңызы бар автомобиль жолдары мен елді мекен көшелеріне стандартқа сай жасанды жол кедергілері, қажетті жерлерге 60-тан астам жол белгілерін орнату жұмыстары да жүргізіліп жатыр.