Құрылтай депутаттарын сайлау – қоғамның дамуына ықпал ететін маңызды саяси науқан. Бұл үдеріс азаматтардың қоғамдық мәселелерге бейжай қарамай, елдің болашағына қатысты өз көзқарасын білдіруіне және қоғамдық бастамалардың қолдау табуына мүмкіндік береді. Сондықтан сайлауалды кезеңнің заң талаптарына сәйкес, ашық әрі әділ ұйымдастырылуы – қоғамның саяси мәдениетін қалыптастыратын негізгі факторлардың бірі.
Бүгінде қоғамның сұранысы өзгеріп, тұрғындардың мемлекеттік шешімдерге қатысуға деген қызығушылығы артып келеді. Осыған байланысты Құрылтай депутаттарының қызметі өңірлердегі өзекті мәселелерді көтеруге, халықтың ұсыныстары мен пікірлерін жинақтауға және қоғамдық диалогты дамытуға бағытталады. Мұндай өзара байланыс мемлекет пен қоғам арасындағы сенімді нығайтып, елдің тұрақты дамуына негіз қалайды.
Сайлау науқаны барысында ақпараттың шынайылығы мен заң талаптарының сақталуы ерекше маңызға ие. Әрбір азаматтың саналы таңдау жасауына жағдай жасау, ашық пікір алмасу мәдениетін қалыптастыру және құқықтық қағидаттарды сақтау – әділ сайлаудың басты талаптары. Бұл қоғамдағы тұрақтылықты сақтап, демократиялық құндылықтардың одан әрі дамуына оң ықпал етеді.
Құрылтай депутаттарын сайлау – тек сайлау рәсімі ғана емес, азаматтардың қоғамдық жауапкершілігін айқындайтын маңызды кезең. Елдің болашағына бейжай қарамайтын әрбір азамат заң талаптарын құрметтеп, қоғамдық келісім мен бірлікті нығайтуға үлес қосуы қажет. Ашықтық, әділдік және жариялылық қағидаттарына негізделген сайлау ғана халықтың сеніміне ие болып, қоғамдық институттардың тиімді жұмыс істеуіне жол ашады.
Құдайберген АККУЛИЕВ,
Жетісай ауданы.