Сыбайлас жемқорлыққа қарсы мәдениетті қалыптастыру мақсатында Сыбайлас жемқорлыққа қарсы іс-қимыл агенттігінің Түркістан облысы бойынша Департаменті жанынан құрылған ақпараттық-ағартушылық Штабының төрағасы Ерұлан Тұңғышбаев Отырар ауданына қарасты Қоғам, Отырар және Талапты ауылдық округтерінде болып, әкімдік қызметкерлері мен ауыл тұрғындарына ақпараттық – түсіндіру жұмыстарын жүргізді.
Мақсатты жиын әділдік, ашықтық, туралық құндылықтарын ел ішінде кең көлемде насихаттау арқылы ел азаматтарының бойына адалдық қасиеттерін дарытуды және сыбайлас жемқорлық көріністерінің алдын алуды көздейді.
Ауыл тұрғындарымен жүздескен Е.Икрамұлы бармақ басты, көз қысты әрекеттердің жолын кесу мақсатында Агенттікпен атқарылып жатқан ауқымды жұмыстарға тоқталып, өткен жылдың 6 қазаны күні Мемлекет басшысы Қасым-Жомарт Тоқаев қол қойған «Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы» Заңына енгізілген жаңашылдықтармен таныстырды.
Сондай-ақ, бұдан былай азаматтық кодексте мемлекеттік қызметшілерге кез келген құнды сыйлықтарды сыйға тартуға тыйым салынғаны туралы ақпарат беріп, жиынға қатысушыларды пара алу, пара ұсыну, делдалдық ету сынды парақорлық әрекеттерден аулақ болуға шақырды.
Жиын соңында сыбайлас жемқорлық мәселелері бойынша өзекті сауалдар ортаға салынып, тұрғындардың талап-тілегіне құлақ түрілді.
ТҮРКІСТАН ОБЛЫСТЫҚ ҮГІТ-НАСИХАТ ШТАБЫНЫҢ ТӨРАҒАСЫ АУЫЛ ТҰРҒЫНДАРЫМЕН ЖҮЗДЕСТІ