Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес БҒМ «Оқуға құштар мектеп» жобасын бекіткен болатын.Осы аталған жоба аясында мектебімізде «Шын жүректен кітап сыйла» акциясы өткізілді.
Акцияның мақсаты : білім алушыларды, оқушыларды, қызметкерлерді мектеп кітапханасы қорына шын жүрекпен кітап сыйлауға жұмылдыру. Бұл акция арқылы акцияға қатысушылар кітапхана жұмысының жандануына, кітапхана оқырмандары арасында оқыған кітаптарымен бөлісіп, сыйға тартты.
Оқушылар «Кітап әрқашан да керемет сыйлық» екенін ұғынды. Кітапты сыйлай отырып, рухани байлық сыйлап жатқандарын түсінді.Акцияға қатысушылар өздері сыйлап жатқан кітаптарының авторы, кітаптың мазмұны туралы қысқаша шолу жасап өтіп, сыйға тартып жатқан кітабы туралы өзі де білетінін дәлелдеп көрсете білді.
Акцияда ерекші белсенділік танытып, жарыса кітап сыйлаған сыныптарды ерекше атап өткім келеді. 7 «Б» – сынып оқушылары, сынып жетекшісі Алипова Ғ, 4 «А»- сынып оқушылары, жетекшісі Сапарбаева Қ, 4 «Ә» – сынып оқушылары, жетекшісі Исмтаова Н, сонымен бірге «Қазақ тілі мен әдебиеті», Бастауыш сыныптар, Информатика, Физика, Математика әдістемелік бірлестіктері мен кіші техқызметкерлері өздерінің белсенділігін таныта білді. Акцияның басты ерекшелігі «Отбасылық сыйлық» болды. Мектептегі білім алушылардың арасынан «отбасылық сыйлық» жасағандары да болды. Осы орайда мектебіміздің вахта қызметкері Нышанбаева Роза апайымыз өзінің немерелерімен, отбасымен кітап сыйлады.
Осы акция арқылы білім алушылардың рухани азықтанғаны анық байқалды. Кітапхана қорына келіп түскен жаңа кітаптарға деген қызығушылық оянып, оқырмандар кітап оқуға құштарлығын көрсете бастады. Қазіргі таңдағы өзекті мәселенің бірі жастарды кітап оқуға баулу алмауымыз екені рас. Дегенмен, мемлекет басшысы Қасым Жомарт Кемелұлының бастамасымен қолға алынған «Оқуға құштар» жобасы жастардың кітапқа деген құштарлығын оятуда. Кітап оқу арқылы әрбір тұлға өзін өзі тәрбиелейді. Акция арқылы тек кітаптың қоры молайып қана қойған жоқ, сонымен бірге оқырмандар арасында байланыс нығайды, қарым қатынас күшейді. Бір бірлерімен ой бөлісіп, диалогтік қатынас нығайды. Акция арқылы кітапхана қоры 103 кітапқа артты.
Әр сыйланған кітап жаңа білімге жол, жаңа оқырманға қуаныш! Қоғамда кітап оқуға насихаттау арқылы адамдарды мәдениет құндылығымен тәрбиелейміз. Осындай шараға қатысқан белсенді оқушыларымызды, қызметкерлерімізді мақтан тұтамыз және алғыс білдіреміз. Оқуға құштар, кітап сүйер оқырмандарымыз көбейе берсін!
К.КАРМАНОВА,
№44 «Жаңа дала» ЖББМ КММ кітапхана меңгерушісі.