«Өзін – өзі басқару ұйымы»- балалар мен жасөспірімдердің және үлкендердің жалпы адамзаттық құндылықтарға бағыттайтын, мүшелерінің қызығушылықтарын құқықтарын қорғайтын, өз бетімен ерікті, қоғамдық бірлестік болып табылады. Ұйымның мақсаты : Еліміздің мүддесін қорғайтын, патриот, білім мен өнерге құштар, еңбексүйгіш, қамқорлықты сезіне алатын, адами құндылықтарды бойына сіңірген, әділетті де қайсар жеке тұлғаны қалыптастыру.
Аға – тәлімгер ретінде мен де өз мектебімдегі жасөспірімдерді осы мақсатта ұйымшылдыққа,белсенділікке, білім мен өнерге жетелеуде еңбек етіп келемін. Мектебімізде «Өзін – өзі басқару» ұйымының фракция мүшелері дауысқа салу шартымен сайланып, жұмыс жүргізуде. Парламент президенті Р.Тұрпаш фракция мүшелерінің белсенді түрде жұмыс жасауы үдерісіне жүйелі жоспарлай отырып, жұмыс атқаруда. Мектепішілік жоспарланған мерекелік іс шараларды ұйымдастыруда фракция мүшелері өздерінің бақарушылық міндеттерін талапқа сай орындап келеді.
Білім министрі Құрбан Ардақ оқушылар арасында «Білім патшалығы», «ХХІ ғасыр көшбасшысы» сияқты сайыстар өткізіп білімділерді анықтаса, Тазалық министрі Тұрлыбек Гүлсезім Мемлекет басшысы Қасым Жомарт Кемелұлы Тоқаевтың бастамасымен жүргізіліп жатқан «Таза Қазақстан» бағдарламасы негізінде «Таза Қазақстан, Таза мектеп, Таза сынып» акциясын ұйымдастырып, мектеп ауласы мен сынып бөлмелерінің тазалығының сақталуына, көгалдандыру жұмысының жүйелі түрде жүргізілуіне оқушыларды белсенді түрде шақырып, әр жұма күнін тазалық күні деп сенбілік өткізіп жүр. Қамқорлық министрі Шыныбай Балнұр мектебімізде «Қайырымдылық әрбір азаматтық парызы» тақырыбында қайырымдылық акциясын жүргізсе, Спорт министрі Егемберді Досмырза жастардың салауатты өмір салтын ұстануда оқушылар арасында «Теңбіл доп» «Біз салауатты өмір салтын қалаймыз» тақырыптарында спорттықшаралар ұйымдастырып келеді. Соның нәтижесінде 5,6- сыныптың қыздары футболдан облыстық деңгейге дейін көтеріліп, Жүлделі ІІ орынға ие болды. Өнер министрі Шаншархан Қарлығаштың ұйымдастыруымен мектебіміздің өнерпаз жастарына арналған түрлі байқаулар ұйымдастырылып, домбырашылар оркестрінің шығармашылық концерті де өткізілді. Фракция мүшелеріне басшылық жасап бағыт- бағдар беруде мектеп әкімшілігінің де үлесі мол. Көрсеткен бағытты басшылыққа алып жұмыс жүргізіп жатқан белсенді жастарымыз келешекте, үлкен өмірде кез -келген тығырықтардан жол тауып, өзін өзі басқарудың қыр – сырын меңгеріп алатындығы сөзсіз.
Р.КАРИМОВА,
№ 44 «Жаңа дала» ЖББМ КММ Аға – тәлімгері.