Ұлттық құндылықтар – әрбір ұлттың болмысында ғасырлар бойы атадан балаға мирас болып келе жатқан адамгершілік қағидаттары. Ғасырдан – ғасырға жеткен халықтың қазынасы – тілі, діні, салт-дәстүрі, әдебиеті мен өнері ұлтымыздың рухани байлығы. Біздің ата-баларымыз бала тәрбиесіне өте көп көңіл бөлген.
Қазақ халқының ұлттық тәрбиесі – әлемде теңдесі жоқ тәрбие десек артық айтқандық емес. Баланың жастайынан ұлттық құндылықтарды дәріптеуінің, елімізді, туған жерімізді, дініміз бен тілімізді құрметтеуінің негізі осы ұлттық тәрбиенің негізінде жатыр. Отанын сүйетін патриот, жоғары адамгершілік иесі, ұлттық рухы биік парасатты азамат тәрбиелеу үшін ұлттық құндылықтарымызды басшылыққа алу қажет. Оның маңыздылығы мен қажеттілігі зор. Біз үшін еліміздің өркендеуі, ұлттық ерекшелігіміз бен ұлттық құндылықтарымызды сақтау – қымбат қазына.Осы ұлттық тәрбиені балалардың бойына сіңіру мақсатында №44 «Жаңа дала» жалпы білім беретін мектептің ұстаздарының, ата-аналарының атқарып жатқан жұмысы мен тәрбиеге қосып жатқан үлесі өте көп. Балалардың ұлттық санасының қалыптасуында әрбір жүргізілетін іс-шаралардың алатын орны ерекше.
Мектебімізде жүргізіліп отыратын тәрбиелік мәні зор іс-шаралар осының дәлелі десек болады.тап айтатын болсақ, бүгінгі өткізіліп отырған, «Ұлттық құндылықтар – тәрбиенің түп қазығы» атты әдеби – сазды кешіміз осыған нақты дәлел бола алады. Әрине, халқымыздың ұлттық құндылықтары өте көп. Бүгінгі кеште оларды іріктеп, бірнеше бөлікке бөліп қарастырдық.
Соның ішінде ерекше ден қойылып отырған құндылық – ұлттық киімдерімізді дәріптеу. Ұлттық киімдерімізді дәріптеуді мемлекет басшысы Қ.К.Тоқаевтың бастамасымен қазіргі таңда барлық мемлекеттік мекемеде бір күнді ұлттық киімдер кию күні деп арнаған. Біздің мектебімізде ұлттық киім кию күні сәрсенбі күні. Бұл күні тек қана ұлттық киім киіп келіп қоя салмай, ұмыт болып бара жатқан ұлттық салт – дәстүрлерімізді де дәріптеп, насихаттап отырамыз.
Бүгінгі насихаттап отырған дәстүріміз – Ұлыстың Ұлы күні жыл асы Наурыз мерекесінің бастауы болған Амал күні,яғни Көрісу күні. Бұл күні қыстан қысылып шыққан халқымыз көктемге аман есен шыққанына қуанып бір бірлерінің үйлеріне кіріп, үлкен қария кісілермен,науқас кісілермен көрісіп,құттықтап шығады. Дастархан жайылып салтанатты мерекеге ұласады. Дәл осы көріністі мектебімізде көрсетіп, жастардың санасын ұлттық құндылықтармен сусындатып, біртұтас тәрбиенің басты бағытымен жұмыс жасап жатырмыз.
Жастар еліміздің болашағы. Ел боламын десең, бесігіңді түзе» деген қағиданы негізге ала отырып, бала тәрбиесін дұрыс жолға қою басты міндетіміз.
Б.УТЕГЕНОВА,
№ 44 «Жаңа дала» ЖББМ КММ ДТІЖО.