Мектептің әдістемелік кеңесі – шығармашыл, педагогиканы жетік меңгерген, жаңашыл, талапшыл,ізденмпаз ұстаздар тобы.
Әдістемелік кеңестің мақсаты : Заман талабына сай жаңа технологияларды оқыту мен оқу үдерісіне енгізе отырып, білім алушылардың білімге қызығушылығын арттыру және білім сапасын көтеру. Осы мақсатта біздің мектебімізде де стандартқа сай әдістемелік кеңес тобы құрылып жұмыс жасайды. Кеңес мүшелері біліктілік санаттары жоғары, тәжірибелі ұстаздар мен жаңашыл ұстаздар.
Әдістемелік тақырып: Сабақтың тиімділігін арттыру үшін тұлғаға бағытталған оқыту технологияларын қолдану
Мақсаты: сабақтың тиімділігін арттыру және оқушылардың функционалдық сауаттылығын қалыптастыру үшін мұғалімдердің педагогикалық шеберлігі деңгейін, олардың пәндік салалардағы эрудициясы мен құзыреттілігін, инновациялық технологияларды шығармашылықпен меңгеруін үздіксіз жетілдіру. Көрсетілген мақсатқа қол жеткізу үшін педагогтармен бірлескен семинар – практикумдар, шебер сыныптар, ашық есік күндері, аудандық семинарлар, дөңгелек үстелдер, мектепішілік конференциялар мен семинарлар жоспарланып, жұмыс жүргізілуде. Атап айтар болсақ, әдістемелік кеңес мүшелерінің ұйымдастыруымен педагог- зерттеуші, педагог- шебер санатындағы ұстаздардың қатысуымен «Заман талабы- білім шыңы» деген тақырыпта мектепішілік конференция өткізілді. Конференция барысында педагогтар жаңа технологиялық әдіс тәсілдердің тиімділігі туралы өз ойларын ортаға салды. Сондай – ақ, аудандық семинар ұйымдастырылып, педагогтар сандық технологиялардың сан түрлі платформаларын қолдана отырып сабақтар өткізді. Мемлекет басшысы Қасым Жомарт Тоқаевтың өзі бағыттаған «Жасанды интеллект» платформасын сабақтарда қолданудың тиімділігін жоғары деңгейде көрсете білді.
Жас маман – ұлағатты ұстаздың ізбасары. Әістемелік кеңестің тағы бір басты міндеті жас мамандармен жұмысты күшейту. Бұл мәселе де біздің мектебімізде дұрыс жолға қойылған. Жас мамандарға тәлімгерлер бекітіліп, әдістемелік көмек көрсетіліп отырады. Жас мамандарды түрлі іс шараларға қатыстыру арқылы олардың шығармашылығын шыңдауда бағыт бағдар беріп отырады. Жас мамандарды мектеп өміріне бейімдеуде педагогикалық этикетті сақтау мақсатында мектебімізде «Толық педагог» тұжырымдамасы жұмыс жасайды. Бұл тұжырымдама бойынша жас маман өзін ортада ұстау әдебін, оқушымен,ата анамен, әріптестерімен дұрыс қарым қатынас жасауды толық меңгеріп шығады.
Қорыта айтқанда, «Әдістемелік кеңес» педагогтердің кәсіби құзыреттілігін арттыруарқылы білім сапасын арттыруға, шығармашылық бастамалары мен кәсіби өсуін ынталандыруда қолдау көрсетуге,, мұғалімдерге ғылыми-педагогикалық жетістіктер мен озат тәжірибелерді меңгеруге, шығармашылық ынтасын арттыруға және дамытуға, олардың кәсіби шеберлігін, біліктілігін жан- жақты көтеруге бағытталған сонымен қатар ғылым жетістіктеріне негізделген, үздік педагогикалық тәжірибелермен өзара байланыстағы жұмыстарды іске асырады, әдістемелік көмек береді.
Ұ.ҚОҢЫРБАЕВА,
№ 44 «Жаңа дала» ЖББМ КММ ДОІЖО.