Қазіргі қоғамда білім беру жүйесіне қойылатын талаптар жыл сайын артып келеді. Оқушыны тек біліммен қаруландыру ғана емес, оны жан-жақты дамыған, рухани бай, жауапкершілігі жоғары тұлға ретінде қалыптастыру – бүгінгі білім беру саласының басты мақсаты. Осы орайда 2025–2026 оқу жылында оқыту мен тәрбиелеу процесінде пайдаланылатын бағдарламалар мен педагогикалық техникалардың рөлі ерекше.
Білім беру бағдарламалары оқушылардың жас ерекшеліктерін, қызығушылықтары мен жеке қабілеттерін ескере отырып әзірленеді. Жаңартылған білім мазмұнына негізделген оқу бағдарламалары оқушының функционалдық сауаттылығын арттыруға, алған білімін өмірде қолдана білуіне бағытталған. Бұл бағдарламаларда пәндік біліммен қатар, өмірлік дағдыларды қалыптастыруға ерекше мән беріледі. Оқу процесінде цифрлық білім беру ресурстары, электронды оқулықтар мен интерактивті платформаларды пайдалану білім алушылардың ақпаратты тез қабылдауына және өздігінен ізденуіне мүмкіндік туғызады.
Оқыту процесінде қолданылатын педагогикалық техникалар сабақтың мазмұнын байытып, оның тиімділігін арттырады. Атап айтқанда, ойын арқылы оқыту, жобалық әдіс, деңгейлеп оқыту, модульдік оқыту, проблемалық оқыту сынды заманауи технологиялар оқушының сабаққа деген қызығушылығын күшейтеді. Бұл әдістер білім алушыны белсенді әрекетке жетелеп, өз ойын еркін жеткізуіне, талдау жасауына және шешім қабылдай алуына жағдай жасайды.
Тәрбиелеу процесінде қолданылатын бағдарламалар мен әдістер де үлкен маңызға ие. Құндылыққа негізделген тәрбие, патриоттық, рухани-адамгершілік, еңбек және экологиялық тәрбие бағыттары жүйелі түрде жүзеге асырылады. Тәрбие жұмыстары барысында сыныптан тыс іс-шаралар, тақырыптық кездесулер, тренингтер мен шығармашылық жобалар ұйымдастырылып, оқушылардың қоғамдағы өз орнын дұрыс табуына ықпал етеді.
Сонымен қатар, тұлғалық-бағдарлы оқыту технологиясы әр баланың жеке ерекшелігін ескеруге мүмкіндік береді. Мұғалім мен оқушы арасындағы ынтымақтастық, өзара сенім мен қолдау оқу-тәрбие процесінің нәтижелілігін арттырады. Педагогикалық техникаларды тиімді қолдану арқылы мұғалім оқушы бойында жауапкершілік, тәртіп, өзіне деген сенімділік сияқты маңызды қасиеттерді қалыптастырады.
Қазіргі таңда тәрбие мен білімді қатар алып жүру – заман талабы. Осы мақсатта оқыту мен тәрбиелеу процесінде қолданылатын бағдарламалар мен педагогикалық техникалар бір-бірімен тығыз байланыста жүзеге асырылуы тиіс. Мұндай үйлесімділік оқушылардың зияткерлік, рухани және әлеуметтік дамуын қамтамасыз етеді.
Қорыта айтқанда, 2025–2026 оқу жылында оқыту мен тәрбиелеу процесінде пайдаланылатын бағдарламалар мен педагогикалық техникалар білім беру сапасын арттырудың негізгі тетігі болып табылады. Заманауи әдіс-тәсілдер мен тиімді бағдарламаларды дұрыс қолдану арқылы болашақта ел дамуына үлес қоса алатын, бәсекеге қабілетті, саналы ұрпақ тәрбиелеуге толық мүмкіндік бар.
Даутова Жанат Куанышовна ,
«Ақарыс-Жанарыс» бөбекжай балабақшасының әдіскері.