Оқушылардың шығармашылық қабілеттерін дамыту, теориялық білімдері мен тәжірибелік ептілігін тереңдету, жеке тұлғаның өзін-өзі танытуына, дарынды балаларды анықтауға жағдай жасау, халықаралық олимпиадаларға қатысушыларды іріктеу және дайындау, еліміздің білім беру беделін арттыру мақсатында Түркістан қаласындағы «білім –инновация» лицейінің базасында жалпы білім беретін пәндер бойынша республикалық пән олимпиадасы өтті.
Аталмыш олимпиадаға орыс тілі және әдебиет пәнінен 9 «ғ» сынып оқушысы Бейбіт Ғабитқызы қатысып мектебіміздің абыройын асқақтатып, жүлделі II орынды иеленіп келді.
жас жеткіншектердің білімде жеткен жетістіктерімен құттықтау мақсатында Жетісай ауданының білім бөлімі аудандық мәденеите үйінде марапаттау рәсімін өткізіп, Бейбіт Ғабитқызына «Алғыс хат» және ұялы телефон тарту етті. Олимпиадаға дайындаған жетекші ретінде өзіме «Алғыс хат» пен «Ыстық көлге» жолдама табыстады.
Мектеп ұжымы өздерінің шынайы алғыстарын білдіріп, алдағы уақытта биіктен көрініп, бұданда көп табысты шыңдарды бағындыруына тілек білдірді.
Роза УСИПБЕКОВА,
Т. Рысқұлов атындағы ЖББМ орыс тілі мен әдебиет пәнінің мұғалімі.