6 қыркүйек күні Мырзакент кентінің орталық алаңында «Өнерлі өлке өрендері» аудандық өнер фестивальы аясында Атакент кентінің мәдениет күндерінен басталды.
Бұл мәдени іс-шараға кенттің қылқалам және қолөнер шеберлерінің туындылары мен қолөнер туындылары, ауылдың жетістіктері жайлы көрмелер, ұлттық салт-дәстүрлер мен әдет-ғұрыптарымызға негізделген көріністер қойылды. Сонымен қатар кентте өндірілетін өнімдерден де көрме жасалды. Ал кешкі сағат 18:00-де кент өнерпаздарының гала концерті өтіп, олар мырзакенттіктерге ұмытылмас көтеріңкі көңіл-күй сыйлады.
Айта кетерлігі, кенттер мен округтер тұрғындары арасында таланттарды іздеу мақсатында өтетін «Өнерлі өлке өрендері» атты аудандық өнер фестивалі Мырзакент кентінің орталық алаңында биылғы жылдың қыркүйек-қазан, қараша айларында белгіленген кестеге сәйкес сағат 18.00-де өтеді. Әр аптада белгіленген кестеге сәйкес ауылдық округтің немесе кенттің таланттары өз өнерін көрсетеді. Фестиваль соңында жеңімпаздар облыстық деңгейдегі сайыстарға аудан атынан баратын болады.