Ас адамның арқауы.
Дұрыс тамақтану денсаулықтың қалыпты жағдайда қалыптасуына, ойлау қабілетінің дамуына және де түрлі аурулардың алдын алуға септігі тиеді. Білім алушылардың сапалы білім мен саналы тәрбие алуы үшін дұрыс тамақтана білудің маңызы зор.
Осы мақсатта мен өз сабағымда оқушылардың дұрыс тамақтанудың негіздері бойынша білімдерін шыңдауды мақсат еттім. Бұл мақсаттардың маңыздысы дұрыс тамақтанудың ережелерін сипаттау мен зерделеу болды.
«Сұрақтар әлемі» әдісімен тамақтануға қатысты қандай ережелерді, адам ағзасына қажетті қандай тағамдарды, құрамында пайдалы дәрумендері бар қандай жеміс- жидектерді білетіндерін сұрап алдым. «Адам ағзасы» әдісімен ағзаға керекті дәрумендерге бай жеміс- жидектер мен көкөністерді сәйкестендіру арқылы білім алушылар өздерінің де күнделікті тамақтану ережесін жетік меңгере алды. Жаңа технологиялық әдістердің ішінде сандық технология, оның ішінде «Жасанды интеллект» платформасымен көкөністер мен жеміс жидектерді сөйлетіп оқушылардың пәнге деген қызығушылықтарын арттыра алдым.
Оқыту мен оқу үдерісінде білім алушылардың зерттеушілік қабілетін дамыту мақсатында дайын тағамдар қорапшалары тарқатылып, сол тағамдарды зерттеу тапсырылды және оқушылар АКТ- ны тиімді пайдалана отырып, зерттеу жүргізді. Зерттеу нәтижесінде бұл тағамдардың зиянды жақтарының көп екендігіне көз жеткізді. Осылайша білім алушылардың пәнге қызығушылығын арттыра отырып, дұрыс тамақтану негіздерін де меңгерте алдым.
Алдымызға келген жас бүлдіршіндердің дұрыс бағытталуына себепші болып, дамуына ықпал жасайтын біздер,мұғалімдер, қандай жағдайда болса да жаңашылдықпен, ізденімпазддықпен еңбек ете білсек, еліміздің болашағының жарқын болуына өз үлесімізді қосқанымыз болғаны.
М.ОҢҒАРБАЕВА,
№ 44 «Жаңа дала» ЖББМ КММ нің технология пәнінің мұғалімі.