Білім беру саласында инновациялардың дамуы мұғалімдерге жаңа технологияларды тиімді қолдануды талап етеді. Бүгінде жасанды интеллект (ЖИ) платформалары сабақ үдерісін оңтайландырып, оқушылардың белсенділігін арттыруға көмектеседі. Осы орайда, мұғалімдерге арнап «QazMath, Wordwall, LessonUp, Classroom Screen платформаларын сабақта тиімді пайдалану» тақырыбында коучинг сабағы ұйымдастырылды. ЖИ Платформалары – МұғалімдергеҚолдау .Коучингтіңбастымақсаты – мұғалімдерді заманауи ЖИ құралдарымен таныстырып, оларды сабақ барысында тиімді қолдану әдістерін үйрету болды. Коучинг барысында келесі платформалар қарастырылды: QazMath – қазақ тілді математикаға арналған ЖИ платформасы және топқа біріктіруге өте тиімді, есептерді шешіп, оқушылардың білімін тексеруге көмектеседі.
Wordwall – түрлі ойындар, викториналар, тесттер дайындауға арналған интерактивті құрал.
LessonUp – сабақ жоспарын дайындауға және оқушылармен интерактивті жұмыс жасауға мүмкіндік беретін платформа.
ClassroomScreen – сыныптағы тәртіпті ұйымдастыруға, таймерлер мен көрнекі құралдарды пайдалануға арналған мұғалімнің көмекшісі.
Практикалық тәжірибе мен тиімді әдістерде коучингке қатысқан мұғалімдер теориялық мәліметтермен қатар, ЖИ құралдарын сабақ барысында қалай қолдануға болатынын іс жүзінде байқап көрді. Оқу үдерісінде әр платформаның ерекшеліктері мен артықшылықтары тәжірибелік жұмыстар арқылы зерделенді.
Қорытынды бөлімде мұғалімдер:
QazMath арқылы есеп шығарып және тест тапсырмаларын жасады.
Wordwall көмегімен оқушыларға қызықты ойындар мен викториналар дайындады.
Lesson Up сабақ жоспарын құруда тиімді екенін атап өтті.Classroom Screen арқылы сыныпты басқару үдерісін жеңілдетті.
Бұл әдістер оқытудың сапасын арттырып, оқушылардың пәнге деген қызығушылығын арттыратынын көрсетті.
Коучинг сабағының соңында мұғалімдер өз әсерлерімен бөлісіп, ЖИ платформаларының оқыту сапасын жақсартуға ықпал ететінін атап өтті.ЖИ технологиялары мұғалімнің орнын басу үшін емес, оның жұмысын жеңілдету үшін жасалған.Жасанды интеллект – мұғалімнің көмекшісі, ал сапалы білім – басты мақсат!
Е.МУРТАЗАЕВА,
№44 « Жаңа дала» ЖББМ КММ ағылшын тілі пәні мұғалімі.