Қазіргі білім беру жүйесінде оқушылардың тілдік құзыреттілігін дамыту – басты міндеттердің бірі. Әсіресе цифрлық технологиялар дамыған заманда білім беру ресурстарының тиімді қолданылуы оқыту сапасын арттыруға зор мүмкіндік береді. Соның бірі – VISION білім беру ресурсы. Бұл платформа оқушылардың тілдік қорын байытып қана қоймай, олардың пәнге деген қызығушылығын арттыруға ықпал етеді.
VISION ресурсының басты артықшылығы – көрнекілік пен интерактивтіліктің үйлесім табуы. Оқушылар мәтінді тек оқып қана қоймай, бейнематериалдар, аудиожазбалар, түрлі тапсырмалар арқылы ақпаратты жан-жақты қабылдайды. Мұндай тәсіл есте сақтауды жеңілдетіп, жаңа сөздерді меңгеру үдерісін жылдамдатады. Әсіресе сөздік жұмысын визуалды материалдармен байланыстыру оқушылардың сөздік қорын табиғи түрде толықтыруға мүмкіндік береді.
Сонымен қатар, VISION платформасында берілетін тапсырмалар оқушылардың жас ерекшелігіне сай құрылып, олардың ойлау қабілетін, талдау дағдысын және байланыстырып сөйлеуін дамытады. Мәтінмен жұмыс, сұрақ-жауап, пікір білдіру, диалог құрастыру сияқты жұмыстар тілдік дағдыларды кешенді түрде жетілдіреді. Бұл өз кезегінде оқушының еркін сөйлеуіне, ойын нақты жеткізуіне негіз болады.
VISION ресурсы оқушылардың қызығушылығын арттыруда да маңызды рөл атқарады. Заманауи форматтағы тапсырмалар, ойын элементтері, мультимедиялық материалдар сабақтың тартымдылығын күшейтеді. Оқушы белсенді әрекетке көшіп, білім алу үдерісіне ынтамен қатысады. Белсенділік артқан сайын оқу нәтижесі де жоғарылайды.
Қорытындылай келе, VISION білім беру ресурсы – оқушылардың тілдік қорын байытатын, сөйлеу дағдысын дамытатын және оқу үдерісіне деген қызығушылығын арттыратын тиімді құрал. Заманауи технологияларды ұтымды пайдалану арқылы мұғалімдер білім сапасын жаңа деңгейге көтере алады.
Маржан КИШИБАЕВА,
“№74 ЖББМ”КММ
ағылшын тілі пәні мұғалімі.