Менің сүйікті ұстазым – Оспан Мағира Бөкенбайқызы. Ол №136 жалпы орта білім беретін мектептің ұстазы, өз ісіне шын берілген, мейірімді де әділ жан. Мағира апайдың әр сабағы біз үшін білім мен тәрбиенің қайнар көзі іспетті. Ол сабақ барысында бізге тек оқулықтағы мәліметті үйретіп қана қоймай, өмірдің мәнін, адамгершілік қасиеттерді, үлкенге құрмет, кішіге ізет көрсетудің қажеттілігін түсіндіреді.
Мағира апай әр оқушысына ерекше назар аударады. Бізге түсінбеген жерімізді асықпай, сабырмен түсіндіріп береді. Ол ешқашан дауыс көтермей, жылы сөзбен бағыт-бағдар көрсетеді. Сондықтан да біз апайымызды өте жақсы көреміз және әрқашан үлгі тұтамыз. Әрбір сабағында қызықты ойындар, сұрақ-жауаптар өткізіп, біздің ой-өрісіміздің кеңеюіне, сөйлеу мәдениетіміздің дамуына ықпал етеді.
Мағира апайдың жүрегі мейірімге толы. Ол бізге тек жақсы баға алу емес, адам болып қалыптасудың, мейірімді, еңбекқор, білімді азамат болудың маңызын ұғындырады. Әрбір жетістігімізге қуанып, әрдайым қолдау білдіреді. Бізді болашаққа сеніммен қарауға, армандарымызды жүзеге асыруға ынталандырады.
Біздің ұстазымыз мектеп ішіндегі түрлі іс-шараларға да белсене қатысады. Ол әрдайым оқушыларды тәрбиелік мәні бар жұмыстарға жұмылдырып, тәртіпті, ұқыпты, ұйымшыл болуға баулиды. Апайдың сабағында үйренген әрбір жаңа нәрсе бізге үлкен әсер қалдырады.
Мағира апайдың адамгершілігі мен қарапайымдылығы оның ең басты қасиеттерінің бірі. Ол әр оқушыны баласындай жақсы көреді, олардың бойындағы жақсы қасиеттерді байқап, әрдайым қолпаштап отырады. Осындай ұстаздан тәлім алу – мен үшін үлкен бақыт.
Мағира Бөкенбайқызы – нағыз ұлағатты ұстаз! Ол бізге тек білім ғана емес, өмірлік өнеге береді. Сондықтан мен өз ұстазымды мақтан тұтамын және болашақта мен де сіз сияқты шәкірт сүйген, елге пайдалы адам болғым келеді.
Құрметті Мағира апай! Сізге зор денсаулық, отбасылық бақыт және шығармашылық табыс тілеймін! Еңбегіңіздің жемісін көріп, шәкірттеріңіздің биік белестерді бағындырғанын көре беріңіз!
Жасмин ҚАНАТҚЫЗЫ,
N136 жалпы орта білім беретін мектебі шаруашылық жүргізу құқығындағы мемлекеттік коммуналдық кәсіпорны 4-“З” сынып оқушысы.