Білім жүйесіндегі басты мәселелердің бірі – жеке тұлғаны шығармашылық және рухани қабілетін дамыту болып табылады. Қазіргі таңдатұлғаны рухани тұрғыдан жан жақты дамытуда үлгерім көрсеткіші төмендігі кедергі келтіруде. Білім беру саласында үлгермеушіліктің себебі біреу ғана емес, жан жақты болады. Бастауыш сыныпқа келген оқушыны мектепке бейімдеуде түрлі мотивациялар мен қызығушылықты арттыру әдістері басты рөлде.
Осы мақсатта мектеп табалдырығын жаңа аттаған бүлдіршіндермен педагогикалық- психологиялық жұмыс түрлерін жүргізіп отырамын. Үлгермеушіліктің жинақталған себебін анықтау жұмыстарын жүргізе отырып, үлгермеушіліктің «сыртқы» және «ішкі» факторлары бойынша бағытталған диагностикалар, бақылаулар жүргізе келе, тұлғамен жеке жұмыстар, жеке кеңестер, психологиялық жаттығулар жүргізе отырып, нақты жетістікке қол жеткізуге болады.
Осы негізде ХХ ғасырдың басында өзіміздің халықтық педагогика мен психологияның іргетасын қалаған М.Жұмабаев пен Ж.Аймауытовтың еңбектерін кеңінен қолданып жүрмін. Соның ішінде «оқушы үнін» тыңдау, пән мұғалімдерімен пікірлесу сияқты үдерісті үздіксіз жүргізіп отыру керектігін ұстанамын. Сонда ғана білім алушының үлгерім деңгейін көтеру мүмкіндігіне толық қол жеткізе аламыз.
Үлгермеушілікке білім алушы емес, сол білім алушының үнін жүрекпен тыңдай алмағандарды кіналай отырып жұмыстансақ, үлгермеушіліктен дарындылыққа қол жеткізе алар едік. Ол үшін әрбір педагог ізденіп, өзінің алдына мақсат қойып, осы сөнгелі тұрған әлсіз шырақтың жарқырап жануына себепші бола білсе ғана «үлгермеушілердің» санынан «дарындылардың» саны басым болар еді.
Г.СМАНОВА,
№ 44 «Жаңа дала» ЖББМ КММ педагог-психологы.