Балабақшадағы тәрбие мен білім беру – баланың өміріндегі ең маңызды кезеңдердің бірі. Бұл уақытта бала өзінің алғашқы әлеуметтік қарым-қатынасын орнатады, мінез-құлқын қалыптастырады, және әлемді тануға алғашқы қадамдар жасайды. Сондықтан балабақшада берілетін тәрбие мен білім бала тұлғасының дамуы үшін негіз болады.
Мектепке дейінгі кезеңде тәрбие мен білім беру ұлттық құндылықтар мен рухани тәрбиені сіңіруге, баланың шығармашылығын дамытуға бағытталады. Бұл кезеңде балалардың ойлау қабілеті, тіл дамуы, эмоциялық және әлеуметтік дағдылары қалыптасады.
Балабақшада тәрбие мен білім беру балалардың жас ерекшеліктерін ескере отырып, ойын арқылы жүзеге асады. Ойын – баланың табиғи іс-әрекеті, ол арқылы олар қоршаған әлемді танып, өзін-өзі көрсетуге үйренеді. Педагогтар баланы жан-жақты дамыту үшін арнайы әдіс-тәсілдер мен технологияларды қолданады.
Сонымен қатар, балабақша тәрбиешілері мен ата-аналар арасында тығыз байланыс орнату өте маңызды. Отбасы мен балабақшаның бірлескен жұмысы арқылы балаға тұрақты қолдау көрсетіліп, оның дамуының сапасы артады.
Қазіргі уақытта мектепке дейінгі білім беру жүйесінде заманауи технологиялар кеңінен қолданылады. Бұл балаларға жаңа білім мен дағдыларды тиімді меңгеруге көмектеседі, бірақ ұлттық дәстүрлер мен адамгершілік құндылықтар бірінші орында болуы тиіс.
Осылайша, балабақшадағы тәрбие мен білім беру – болашақ ұрпақтың жан-жақты дамуы мен қалыптасуының негізі болып табылады. Бұл салаға көп көңіл бөліп, жетілдіріп отыру – еліміздің жарқын болашағын қамтамасыз етудің кепілі.
Агадилова Сауле Жаксыбековна,
ЖШС «Би-Бүлдіршін» балабақша меңгерушісі.