- ЖАЛПЫ ЕРЕЖЕЛЕР
1.1. Осы Ереже «Заң мен тәртіпті сақтаудағы менің үлесім» тақырыбында мемлекеттік қызметшілер арасында республикалық эссе байқауын (бұдан әрі мәтін бойынша – Байқау) өткізу тәртібін, қатысушыларға қойылатын талаптарды, бағалау критерийлерін, өткізу мерзімдерін айқындайды және барлық конкурстық іс-шаралар аяқталғанға дейін қолданылады.
1.2. Байқау Шымкент қаласы ішкі саясат және жастар істері жөніндегі басқармасының мемлекеттік әлеуметтік тапсырыс шеңберіндегі іс-шаралар жоспарына сәйкес өтеді.
1.3. Республикалық эссе байқауын ұйымдастыру мен өткізуді Шымкент қаласы ішкі саясат және жастар істері жөніндегі басқармасының мемлекеттік әлеуметтік тапсырысы бойынша «Altyn Orda» ұйымдастыруымен және Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің қолдауымен жүзеге асырылады.
- БАЙҚАУДЫҢ МАҚСАТТАРЫ МЕН МІНДЕТТЕРІ
2.1. Байқаудың мақсаты – мемлекеттік қызметшілерді заң мен тәртіпті сақтауға, сыбайлас жемқорлыққа қарсы мәдениетті қалыптастыруға, шығармашылық белсенділіктерін арттырып, креативті ойлауға ынталандыру.
3. ҚАТЫСУШЫЛАРҒА ЖӘНЕ ЖҰМЫСТАРҒА ҚОЙЫЛАТЫН ТАЛАПТАР
3.1. Байқауға қатысу тегін және ерікті түрде жүзеге асырылады. Қазақстан Республикасының аумағындағы барлық мемлекеттік қызметшілер үшін ашық.
3.2. Конкурстық жұмыстар конкурс тақырыбына сәйкес келетін түпнұсқа авторлық эсселер болуы тиіс. Әрбір жұмыста қатысушының жеке тәжірибесіне немесе кәсіби қызметіне негізделген заң мен тәртіпі сақтауға, адалдық құныдылықтарын насихаттау арқылы жемқорлыққа жол бермеу бойынша нақты ұсыныстар қамтылуға тиіс.
3.3. Мәтінде басқа авторлардың дәйексөздері мен материалдарын пайдалануға рұқсат етіледі, алайда пайдалану (плагиат) проценті жалпы жұмыс көлемінің 30%-інен аспауы керек. Басқа адамдардың материалдарын пайдалану ақталуы керек және автордың негізгі дәлелдеріне қосымша болуы керек.
3.4. Эсседе пайдаланылған барлық дереккөздер дұрыс ресімделуі керек. Материалдарды алған жағдайда мынадай деректерді қамтитын толық библиографиялық сілтемелерді көрсету қажет: автордың тегі мен аты, жұмыстың атауы, басылымның (қаланың) орны, баспаның немесе мерзімді басылымның атауы, басылған жылы (шығарылым нөмірі) және келтірілген материал орналасқан беттер.
3.5. Байқауға қатысушы тек бір жұмысты ұсына алады.
3.6. Бағалау критерийлері:
- Байқау тақырыбының сәйкестігі;
- Ұсыныстардың өзіндік ерекшелігі мен жаңалығы;
- Мәселенің даму дәрежесі және ұсыныстардың практикалық қолданылуы;
- Презентация стилі және ойдың анықтығы;
- Логикалық, грамматикалық және стилистикалық дұрыстық.
4. ЖҰМЫСТАРДЫ РӘСІМДЕУГЕ ҚОЙЫЛАТЫН ТАЛАПТАР
4.1. Эссе қазақ немесе орыс тілінде ұсынылуы тиіс және келесі талаптарға сәйкес ресімделуі қажет:
- Жұмыс көлемі: 1500 сөзден аспайды.
- Шрифт: Times New Roman, 14-өлшем, жол аралығы: 1.5.
- Құрылымы: кіріспе, негізгі бөлім, қорытынды
- Жұмыстың мазмұны байқау тақырыбына сай болуы қажет;
- Интернет желісінен көшіріп алынған, баспасөз бетінде жарияланған плагиат материалдар қабылданбайды;
4.2. Қатысушы өзі туралы мәліметті 1-қосымшаға сәйкес жолдайды.
4.3. Көрсетілген талаптарға сәйкес келмейтін жұмыстар конкурсқа қатысуға жіберілмейді.
5. КОНКУРС ӨТКІЗУ ТӘРТІБІ
5.1. Байқау қашықтан өткізіледі. Жұмыстар altyn_orda00@mail.ru почтасына электронды түрде «қатысушының аты-жөні» деген белгісімен қабылданады.
Іріктеуді Шымкент қаласы ішкі саясат және жастар істері жөніндегі басқармасы, Қазақстан Республикасы Сыбайлас жемқорлыққа қарсы іс-қимыл агенттігінің Шымкент қаласы бойынша департаменті өкілдері, ЖОО профессор-оқытушылар құрамы, мемлекеттік органдар өкілдері мен қоғам қайраткерлері қатарынан құрылған Конкурстық комиссия жүргізеді.
5.2. Жұмысты бағалау үш кезең бойынша жүзеге асырылады:
- Байқау материалдарын қабылдау;
- Байқау комиссиясының отырысы, қорытындылау;
- Марапаттау рәсімі.
5.3. Байқау қорытындылары туралы шешім сараптамалық бағалау барысында әрбір жұмыс алған баллдардың жиынтық саны негізінде қабылданады. Қорытынды нәтиже комиссияның барлық мүшелері қойған ұпайларды жинақтау жолымен есептеледі.
5.4. Бағалау қорытындысы бойынша бірінші, екінші және үшінші орын алған қатысушылар конкурс жеңімпаздары болып танылады. Нәтижелер мемлекеттік және орыс тілдерінде ұсынылған жұмыстар үшін жеке айқындалады.
5.5. Байқау жеңімпаздары мен жүлдегерлері дипломдармен және қаржылай сертификатпен марапатталады. Жеңімпаздардың жұмыстары бұқаралық ақпарат құралдарында жарияланатын болады.
5.6. Конкурсты өткізу мерзімі:
Жұмыстарды қабылдау уақыты: 2025 жылғы 1-18 шілде аралығы сағат 18:00-ге дейін.
5.7. Конкурс нәтижелері Шымкент қаласы ішкі саясат және жастар істері жөніндегі басқармасының ресми сайтында және оның әлеуметтік желілердегі парақшаларында ақпараттық хабарлама түрінде жарияланады.
5.8. Қорытындылау және жеңімпаздарды марапаттау рәсімі 2025 жылғы 20 маусымда өтеді.
Байқаудың жүлде қоры:
1-орын – 200 000 теңге (біреу);
2-орын – 150 000 теңге (біреу);
3-орын – 100 000 теңге (біреу)
6. ҚОРЫТЫНДЫ ЕРЕЖЕЛЕР
6.1. Қатысушылар осы Ереженің барлық шарттарымен өз жұмыстарын конкурсқа жіберу фактісімен келісетінін растайды.
6.2. Бірдей материалдар анықталған жағдайда бірінші берілген нұсқа қарауға түседі.
6.3. Бұл ереже оны бекіткен сәттен бастап күшіне енеді және конкурсты өткізуге байланысты барлық рәсімдер аяқталғанға дейін қолданылады.
7. БАЙЛАНЫС АҚПАРАТЫ
Қосымша ақпарат алу үшін келесі арналар бойынша хабарласуға болады:
– Телефон: 8 700 603 00 13 Бахытжан.
– Электронды пошта: altyn_orda00@mail.ru
№1 қосымша
Байқау қатысушысы туралы мәлімет
| Қатысушының аты-жөні | |
| Аймақ | |
| Жасы | |
| Жұмыс орны | |
| Байланыс нөмірлері |
ЭССЕ