Қосымша білім беру педагогы – тұлғаның білім алу интеллектісін арттырып, өзін – өзі тәрбиелеудің ғылыми деңгейін меңгерте алатын, танымдық көзқарасын, еңбекқорлық белсенділігін, қарым қатынас қабілетін, өмір сүру икемділігін қалыптастыратын педагог. Мектеп жасындағы балалардың бойындағы дарындылығы мен талантты балалардың бойындағы қабілетін «бұлақ көрсең, көзін аш» деген қағиданы ұстана отырып жұмыстану әрбір педагогтің басты міндеті. Мен де қосымша білім беру педагогы ретінде өз мектебімдегі өзімнің пәнім Қазақ тілі мен әдебиеті пәні бойынша талантты және дарынды балалармен жұмыс жасап келемін.
Мемлекетіміз талантты да дарынды балалар мемлекетіміздің жарқын болашағы деп, жеткіншектер болашағына ерекше мін берген. Баланың бойындағы дарындылық пен таланттың бар екенін баланың өзіне сендіре білу, мықты педагогтің ғана қолынан келеді. Жетісай аудандық білім бөлімі ұйымдастырып отыратын түрлі іс шараларға дарынды балаларды дайындай отырып, олардың шығармашылық қабілетін шыңдап келемін. Аудандық «Абай оқулары» «Шәкәрім оқулары» дастан, жыр жаттау байқаулары мен эссе байқауларына бойында шығармашылық қабілеті бар балалар дайындап,жыр додаына қосып жүлделі орындарға ие болып жүрміз. Атап айтқанда, мектебімізде өткен аудандық семинарда «Абай -дана, Абай – дара қазақта» тақырыбында сахналастырылған инсценировка дайындасақ, Ш.Ділдәбеков ауылдық округіне қарасты «Бірлік» мәдениет үйінің ұйымдастыруымен өткізілген «Жүйріктен жүйрік озар жарысқанда» тақырыбындағы интеллектуалды сайысқа қатысып, жүлделі ІІ орынға ие болдық.
Шәкірт бойындағы талант пен дарындылықтың көзін ашып, талпындыра отырып өз шығармашылығымды да шыңдап келемін. Балаларға қосымша білім беру – үздіксіз білім берудің ажырамас бөлігі екенін жауапкершілікпен сезіне отырып, жеке тұлғаны өздігінен дамытуға, шығармашыл, дарынды балаларды анықтауға, оларға қолдау көрсетуге және балалардың құқықтарын қорғауға бағытталған көп деңгейлі білім жүйесін негізге аламын. Қазіргі қоғам жалпы ұстаз қауымына жаңа талаптар қойып отыр. Мұғалім – рухани дамыған, шығармашыл тұлға, кәсіби дағды мен педагогикалық шеберлік иесі, жаңалыққа құштар, білім мазмұнына жаңалық енгізудің тиімді әдістерін іздестіруші маман. Өз мамандығымның сан қырын ашу мақсатында шәкірттеріме талпыныс, ізденіс, білу, үйрену,қолдану сияқты дағдыларды қалыптастырып, әрі қарай дамытуда белсенді болуды өзімнің басты міндетім деп білемін.
А.ДҮЙСЕНБИЕВА,
№ 44 «Жаңа дала» ЖББМ КММ ҚББП-ы.