Қайырымдылық – қоғамның бірлігі мен адамгершілік құндылықтарының жарқын көрінісі. Ол мұқтаж жандарға көмек көрсету арқылы мейірімділікті, жанашырлықты және адамдық асыл қасиеттерді нығайтады. Қайырымды болу – тек материалдық көмек беру ғана емес, рухани қолдау көрсету, қиындыққа тап болған жандарға үміт сыйлау.
Қайырымдылықтың жарқын үлгісі ретінде «№44» Жаңа Дала» жалпы білім мектеп» коммуналдық мемлекеттік мекемесінде қайырымдылық жәрмеңкесін ұйымдастырып, оған белсенді түрде қатысушылардың көмегімен қаражат жинады. Бұл игі бастаманың арқасында түскен қаражат мұқтаж балаларға оқу құралдары мен қажетті жабдықтарды сатып алуға жұмсалды. Осындай шаралар арқылы қоғамда білімге қолжетімділік артып, балалардың болашағына оң ықпал етіледі
Қайырымдылықтың басты мақсаты – мұқтаж жандарға көмек көрсету болса, оның жанама әсері де орасан. Бұл үрдіс адамдарды жақындастырып, қоғамда ізгілік пен әділдік принциптерін қалыптастырады. Сонымен қатар, қайырымдылық жасаушы адамдар да ішкі қанағат сезіміне бөленіп, рухани байи түседі.
Қайырымдылық – қоғамды біріктіретін, адамгершілік қағидаларын нығайтатын маңызды құндылық. «№44 «Жаңа дала» жалпы білім беретін мектеп» коммуналдық мемлекеттік мекемесі өткізген қайырымдылық жәрмеңкесі сияқты бастамалар қоғамға үлкен пайдасын тигізеді. Әрбір адам өзінің шамасына қарай игі істер жасап, мұқтаж жандарға көмек көрсету арқылы қоғамның дамуына үлес қоса алады. «Жақсылық жаса – қайырымын көресің» дегендей, қайырымды болу – әр азаматтың адами борышы.
Д.ДАНМЫРЗАЕВА,
«№44 «Жаңа дала» жалпы білім беретін мектеп»
коммуналдық мемлекеттік мекемесінің
әлеуметтік педагогы.