Балалардың денсаулығын шынықтыра отырып, қимыл әрекеттерін жетілдіру. Ұлттық, тұрмыс, салт-дәстүр туралы әсерлерін толықтыру. Ұрпақтан – ұрпаққа жалғастыру мақсатында қазақ халқының тіршілік әрекетіне байланысты ұлттық ойындарды ойнауға үйрету. Ұлттық ойындарға деген қызығушылықтарын арттыру, ептілікке, шапшаңдыққа тәрбиелеу. Ұжым мақсат әрекетіне дағдысын, назар ықыласын дамыту. Бір – біріне деген құрмет, жеңуге деген ұмтылысты дамыту. Ой-өрісін, жадын дамытып, әрекет үйлесімін жетілдіру мақсатында “Жан-балапан” бөбекжай балабақшасының ересек “Жұлдыз” тобында «Қазақтың ұлттық ойындары» тақырыбында ашық сабақ болып өтті.
Алдымен балалардан қандай ұлттық ойындар бар екенін сұрадым. Балалар «Ақсерек, көксерек», «Бестемше», «Арқан тартыс», «Қазандық», «Тақия тастамақ», «Шертпек» деп жауап береді. Балалардың бойын сергіту мақсатында қазандық ойынын ойнаттым.
Ойын шарты бойынша ойынға 5-10 кісі қатысады. Ойынды жазақ алаңда, алаңқайда өткізуге болады Ойыншылар алдын-ала дөңгелете сызылған шеңберге бірдей ара қашықтықта, әркімнің алдында қазылған ұяға таяқтарын сүйеп тұрады. Сондай бір шұңқыр ұя дәл ортадан қазылады. Ойынды бастаушы шеңбер сыртында болады. Оның шарnы үшін ұя қазылмайды. Ойынды жүргізуші шарды ойыншылардың арасындағы кез-келген бос жер арқылы ортадағы ұяға түсіруге тырысады. Өзге ойыншылар шарды өз таяқтарымен шеңбер сыртына қағып жіберудің шарасын қарастырады.Ал балалар егер сендерге түсінікті болса біз балабақшада болғандықтан «Қазандық» ойынын тақтайша бетіне ойнаттым. Одан кейін, «Шертпе» асық ойынын ойнаттым. «Шертпек ойыны» асықтарды қатарынан үшбұрыш тәсілде тізіп қояды содан екі бала асықты шертіп әр құлатқан асығына бір ұпайдан алып отырады ойын осылайша жалғасады. Осы жерде балалар асық жайлы бір өлең шумағын айтып бойларын сергітіп алдым. Одан кейін, тағы да «Хаккей» ойынын ойнаттым. Ойын шарты бойынша хоккей таяқшасын екі бала алады да мына ортада тұрған асықты кім бірінші қарсыласының қазандығына салса сол команда ұтқан болады. Балалар осылай кезек кезек ауысып ойнады.
Бұл ойынның балаларға берері мол болды.
Жадыра ОРЫНБАСАРОВА,
«Жан-балапан» бөбекжай балабақшасының тәрбиешісі.